Riyadh, Saudi Arabia

Ang bagong Electronic Cards o ang sinasabing e-Gate Cards
na malapit ng ipatupad ng immigration dito sa Saudi Arabia ay magbibigay ng mabilisang tulong para mahinto na ang napakahabang pela sa counter kung kayo ay uuwi at babalik dito.

Ayon sa report, "Passengers are not required to wait in a queue to get their passports and stamped if they use e-Gate Cards" ang pag puproseso ay napaka dali at semple. Maaring i swipe lamang ang card at i-touch ang panel para mag match ang inyong fingerprint at sa loob ng 10 segundo ay matatapos ang proseso, sabi ng opisyal sa King Khaled International Airport dito sa Riyadh.

Ang e-Card ay maibibigay sa mga traveler kasama ang kanilang litrato doon sa paliparan o maaring bumisita sa Registration Center sa Gate 2 King Khalid International Airport kung saan ang mga opisyal ng passport ay susuriin ang inyong mga papeles at ibang pagkakilanlan at ito ay i fefeed sa biometric machine kasama ang inyong fingerprints.

Matatandaan po natin noon na lahat na mga expatriates dito sa Saudi Arabia ay sumailalim sa sinasabing "eye scanning at fingerprints" kung saan ang lahat na pagkakakilanlan ng mga expats gaya ng mga Pinoy ay ipinapasok sa kanilang database para kung sakali mang may mga problema ay madaling ma search sa computer.

Riyadh, Saudi Arabia

Buhay OFW’s Kay Hirap Isipin
Hindi ako makapagsalita o maka sulat agad dahil sa mga nababasa ko sa pahayagan at napapanood sa mga television tungkol sa mga nangyayari- Buhay OFW’s kay hirap isipin.

Hindi pa tapos ang kasiyahan dito sa Riyadh dahil sa isinasagawang pagdiriwang ng mga Pilipino sa Araw ng Kasarinlan ay may umusbong na namang balita na ito ay hindi pa malaman ang mga pangyayari.

Dito sa Saudi Arabia na lamang ay napa-headlines sa mga usap usapan ang mga kalagayan ng ating mga kababayan na sinasabing ikatlong kasarian kung tawagin nila. Kung saan ay iniisip nila na sila ay apektado sa mga hukos-pukos ng mga kababayan na bawal daw dito ang ganyang kasarian. Napabalita sa Jeddah na walo ang ipinagdadampot ng mga awtoridad sa hindi pa malamang dahilan at nakakulong sa Briman ayon sa report.

“Hindi natin bansa ito, tayo ay bisita lamang kaya dapat lamang na irespeto natin ang mga alituntunin dito,” pahayag ni Consul Leo Tito Ausan Jr.

Dahil diyan ay mahirap na, sabi ng isang OFW. Nararapat lamang na umaya sa sarili at gumawa ng mga mabubuting bagay na hindi lumabag sa kultura at batas ng host country. Hindi nagkulang ang ating mga magulang at tauhan ng Embahada na magbigay ng mga paalala sa ating mga kababayan.

Napapansin na noon ay may mga Pinoy dito na kung umastig sa sarili ay kanila ang mundo. Walang pakialam sa sarili. Pero ngayon ay medyo nagbabago ang ihip ng panahon at sumusunod na sila. Gaya ng dati ay mahaba ang buhok pero ngayon ay iba na at hugis mga guapo na sila at hindi magaganda.

Pero sa ibang dako na hindi nila matanggap noon na pilit gumagawa parin ng mga hindi dapat gawin ng isang lalake ay ang pagbubunot ng kilay o one line at papalitan ng guhit lapis, pagpapaputi ng mga mukha, pag inom ng mga gamot para lumaki ang dibdib, pananamit, pagkilos at pananalita na ito ay bawal dito sa Kaharian.

Parang sobra na yata ito, na noon dito sa Riyadh ay napabalita rin na may pinagdadampot sa loob ng esteraha (cottage) ng mahigit saisentang Pinoy kung saan ayon sa report ay mga bading.

Samantala itong nakalipas na lingo ay may mga report at bali-balita sa mga webs at komentaryo ng ating mga kababayan na may nakitang putol-putol na parte ng katawan sa pamilihang Pinoy dito sa Riyadh at ito ay pinaghihinalaang isang Pinoy.

Sa mga pangyayari ay hindi naman nag atubiling kumilos ang mga tauhan ng Embahada para makipag ugnayan sa mga awtoridad . Ayon kay Vice Consul Roussel Reyes, assistant head ng Assistance to the National Section ng Philippine Embassy ay nailapit na sa kanilang tanggapan ang problema.

“Reyes said they are now coordinating with the local police, but expressed doubts they would get information about the incident soon. “Usually, police authorities here do not reveal anything unless they have all the evidence they need," he said.”

Marami na ang ganitong mga balitang putol-putol na katawan noon 2006 ay natagpuan din ang katawan ng tatlong Pinoy na nakabalot sa plastic bag sa Jeddah. Noong 2008 sa Riyadh ay natagpuan din ang putol-putol na katawan ni Mitchel Joseph Montecino sa mga basurahan. Noong 2009 ay sa lugar ng Al Khobar na kung saan mag asawa rin ang sangkot dito.

Bakit ba na nanaig sa ating mga sarili ang ganitong klasing situwasyon? ang pagkapuot sa sariling igkasi Pinoy dahil sa mga problemang dinadala at sa isipang hindi na itong mabigyan ng kalutasan? Marahil oras na para mag muni-muni at magbago sa ating mga sarili na ituwid ang kamalian, at humingi ng gabay sa Diyos sa araw-araw na ating ginagawa.

Alam ko at alam nyo rin na mahirap ang mapawalay sa ating mga pamilya- nariyan yong sinasabing “unfaithfulness on either or both sides, double families, neglect of families, separation, homesickness.

Napakaraming bagay-bagay ang dapat ding tanawin bago pumalaot sa ibang bansa at maging OFW- ang mahalaga siguro ay matoto tayo na irespeto ang ating mga sarili at magkaroon ng self-control, igalang ang mga alituntunin ng host country at huwag makalimot sa Itaas, ang Dakilang taga-Gabay.

Ngunit sa kabila ng mga hinagpis, pagtitis na mawalay ay may mga nangyayaring tukso sa paligid ng mundo. Hindi natin ma ipagkaila sa mga OFW na marami ang may mga kinakaibigan at malalaman nalang natin na sila ay may mga asawa sa Pilipinas. Kaya minsan ito ay nabubuking at umaabot sa Pilipinas ang mga nangyayaring ganito na ito ay humahantong sa hiwalayan ng mag asawa. Ilan lang yan sa kasiyahan sa likod ay kabayaran ng kalungkutan.

Ang pag tatrabaho sa ibang bansa ay hindi habang buhay kaya samantalahin ang mabuting kinabukasan sa pamamgitan ng pag lagak ng pera sa banko o maglakay ng pagkakakitaan habang si mister ay naririto. Gumawa ng mga kaparaan upang hindi mangyari na sa bandang huli ay luhaan at mag dildil ng asin.

Tanggapin natin na mahirap mag ipon ng salapi. Sa tuwing araw ng sweldo ay hindi panatin nakukuha ang pera ay ito ay nakalaan na sa ibang tao para ibayad. Ang payo ng mga expert ay “huwag gumastos ng lampas sa kinikita para hindi magka-utang” i-budget at gumawa ng listahan sa araw-araw na kailangan.

Ang buhay ng OFWs ay hindi madaling tanggapin. Napakaraming mga pagsubok para malampasan ang buhay ng nag-iisa sa ibayong dagat. Nariyan yong situwasyon na sila ay nagiging mature ika nga ang pag-iisip, nagiging wise, malakas at independent. Yong iba ay natototo sa gawaing bahay, wala ang mga magulang o asawa sa kanilang peleng at ka launan ay maiisip na parang kaydali ng panahon. At pagkalipas ng dalawang taon ay uuwi si mister ng masaya at sinasalubong ng mga kaanak sa paliparan ng dala ang buong kaanak. Ang sarap ng buhay kung si kabayan ay uuwi sa Pilipinas na dala ang kaligayahan na hindi naipadama sa luob ng dalawang taon.

Riyadh, Saudi Arabia

Ako po ay bumabati kay Sir Eddie Flores,sa pamunuan ng Munting Nayon, sa inyong lahat na bumubuo nito sa kanilang walang sawang pagtulong sa ating mga kababayan, lalo na sa aming mga Overseas Filipino Workers (OFW's) dito sa Gitnang Silangan. Sa pamamagitan ng inyong pagbibigay ng libreng mga balita ayon sa mga kaganapan sa ibat ibang dako ng Mundo kami po ay sumasaludo.
Hangad po namin ang inyong malawig na serbisyong Pilipino, ngayon at magpakailan pa man.
Mabuhay po tayong lahat!
Salamat po
Gumagalang,
Omar Gabrito